Дундговь аймгийн “Оюуны хөгжил” хувийн цэцэрлэгийн багш 10 сартай хүүхэд зодсон бичлэг нийгэмд шуугиан тариад байна. ЦЕГ-ын Хэвлэл мэдээллийн төвөөс тодруулахад "Одоогоор хэргийг шалгаж байна. Эцэг эх, мөн хүүхдээс мэдүүлэг авч эхэлсэн. Уг хэрэг өнгөрсөн намар гарсан хэрэг. Бичлэг хийсэн хүн нь хэд хоногийн өмнө мэрэгжлийн хяналтын газар өгсөн. Одоогоор цэцэрлэгийн үйл ажиллагааг хаасан байгаа" гэсэн мэдээллийг өглөө. Тэгвэл хүүг зодож буй уг бичлэг нь өнгөрсөн 10 дугаар сарын 19-ны өдөр ангийн багшийнхны хийсэн бичлэг гэнэ. Бичлэг дээрх эмэгтэй нь “Оюуны хөгжил” цэцэрлэгийн захирлынх нь төрсөн дүү бөгөөд тус цэцэрлэгт тогооч, үйлчлэгч хийдэг аж. Захирлын дүү учир бусад ажилчид үг хэлж чаддагүй байжээ. Уг цэцэрлэгийн төлбөр нь 120 мянган төгрөг юм байна.
Хүүхэд зодсон тогооч эмэгтэй “Оюуны хөгжил” цэцэрлэгийн захирлын дүү нь байжээ
2015-12-04 11:52:00
