Авлигатай тэмцэх газраасгаалийн дөрвөн албан хаагчийг авлигын хэрэгт холбон шалгаж эхэлсэн. Тэдний тоонд ГЕГ-ын Төрийн захиргаа, хамтын ажиллагааны газрын даргаар ажиллаж байсан Б.Оюундэлгэр, тус газрын ахлах мэргэжилтнээр ажиллаж байсан Ж.Баттогтох, гаалийн улсын байцаагч М.Дөлгөөн, н.Оргилмаа нарыг бусдаас хээл хахууль авсан хэрэгт холбогдуулан Эрүүгийн хуулийн 268 дугаар зүйлийн 268.1, 268 дугаар зүйлийн 268.2, 269 дүгээр зүйлийн 269.1, 270 дугаар зүйлийн 270.2-т зааснаар эрүүгийн хэрэг үүсгэн, мөрдөн байцаалтын ажиллагаа явуулж эхэлжээ. Тэгвэл энэ оны эхний 10 сарын байдлаар гаалийн байцаагчтай холбоотой 75 эрүүгийн хэрэг үүсгэгдэн, мөрдөн байцаалтын ажил үргэлжилж байна. Захиргааны зөрчил 2800 гаруй бүртгэгджээ.
Гаалийн 75 байцаагчид эрүү үүсгэжээ
2015-12-04 10:14:00
