Манай улс вирус, нян, шимэгчээс гаралтай нийт 30 гаруй бэлгийн замын халдвараас зөвхөн тэмбүү, заг хүйтэн, трихомониаз болон ХДХВ-ын халдварын мэдээллийг цуглуулж, дүн шинжилгээ хийдэг байна. Энэ оны эхний есөн сарын байдлаар зонхилон тохиолдох БЗДХ-ын 12 220 тохиолдол бүртгэгджээ. Албан ёсоор бүртгэгддэг БЗДХ-т өвчний 46.2 хувь нь тэмбүү, 30.8 хувь нь заг хүйтэн, 22.9 хувь трихомониаз, 0.1 хувь нь ХДХВ/ДОХ-ын халдвар эзэлжээ.Улсын хэмжээнд тэмбүүгийн өвчлөл 2014 оны мөн үетэй харьцуулахад 2.3, заг хүйтний өвчлөл 1.3, трихомониазын өвчлөл 0.1 промилээр өссөн үзүүлэлттэй байна.
БЗДХ-ын өвчлөгсдийн:
• Эрэгтэйчүүд 35.5%,
• Эмэгтэйчүүд 64.4%,
• 15-24 насны залуучуудын дунд 44.0%,
• Хот суурингийн -50.6%
• Гэрлээгүй -29.0%
• Ажил эрхэлдэг – 28.4%
• Ажилгүй – 40.4%
• Оюутан – 12.3%-ийг эзэлж байна.
