“Тэс петролиум” ХХК-аас энэ тавдугаар сарын 30-нд СЕХ-нд хандан УИХ-ын сонгуульд нэр дэвшигч Б.Гарамгайбаатарын нэрийг татуулах тухай мэдэгдлийг хүргүүлсэн байна. Учир нь түүний эзэмшлийн “Монроуд” ХХК нь "Тэс петролиум" компаниас гэрээний дагуу хагас тэрбум төгрөгийн нефтийн бүтээгдэхүүн авч хэрэглэчихээд өнөөг хүртэл мөнгийг нь өгөхгүй байгаа гэнэ. Хоёр ч шатны шүүхээс Б.Гарамгайбаатарын “Монроуд” компаниас мөнгө гаргуулж "Тэс петролиум"-ийн хохирлыг барагдуулах шийдвэрийг гаргасан байна. Тэгвэл Б.Гарамгайбаатарын талаар энэ сарын 2-ны өдөр СЕХ-ны дарга Ц.Содномцэрэнгийн нэр дээр дахин гомдол ирүүлжээ. Энэхүү гомдолд нь "Б.Гарамгайбаатар нь хуульд заасан шаардлагыг хангахгүй болох нь тодорхой болмогц өөрийн өмчлөлийн өртэй компаниа хүү Г.Тэнгисийн нэр дээр шилжүүлэх замаар өр төлбөргүй мэт дүр эсгэн, Монгол Улсын сонгууль, түүнийг зохион байгуулж байгаа төрийн байгууллага болох СЕХ-г, улмаар сонгогчдыг хууран мэхэлж, залилан нэрээ дэвшүүлэн бүртгүүлэх гэж байна” гэжээ. Тиймээс "Тэс петролиум" компаний 30 ажилчин өлсгөлөн зарлах болсноо мэдэгдсэн байна. Тус компаний ажилчид 18 сарынхаа цалинг авч чадаагүй аж. Тэгэхээр УИХ-ын сонгуульд нэр дэвшигч Б.Гарамгайбаатарын хувьд хагас тэрбум төгрөгийн өртэй болж таарлаа. Үнэн хэрэгтээ төрийн түшээдийн 2015 оны хөрөнгө, орлогын мэдүүлгээс харахад УИХ-ын 76 гишүүн дотроос зургаан тэрбумтан байсаны нэг нь УИХ-ын сонгуульд нэр дэвшигч Б.Гарамгайбаатар байв. Түүний жилийн орлого 798 сая төгрөг хэмээн ХОМ-доо мэдүүлсэн байна. Түүний эзэмшдэг компани, жилийн орлогоос харахад 18 сар цалингаа аваагүй ажилчдын мөнгийг төлөх бүрэн боломжтой. "Тэс петролиум" компанид 506 сая төгрөгийг ёстой аж.
506 сая төгрөгний шатахууныг хэзээ авч хэрэглэв
“Халзан бүргэдэй, Солонготын давааны чиглэлийн зам тавихад УИХ-ын гишүүн Б.Гарамгайбаатарын 100 хувь эзэмшлийн “Монроуд” компани тавьсан. Энэ зам тавигдаж байх хугацаанд нэлээд дуулиан дэгдээж байсан. Тодруулбл, Хөгжлийн банкны гүйцэтгэх захирал Н.Мөнхбатыг албаны эрх мэдэл, албан тушаалын байдлаа урвуулан ашиглаж Засгийн газрыг хууран мэхэлж, их хэмжээний мөнгө завшсан гэх хэрэгт шалгаж байсан.
Өнгөрсөн 2014 онд “Халзан бүргэдэй, Солонготын давааны чиглэлийн замын гүйцэтгэл 38 орчим хувьтай байхад тухайн газарт дахин шинээр зам тавих ойлголтыг Засгийн газарт төрүүлж тогтоол батлуулан нэмж нийт 43.6 тэрбум төгрөгийг гаргуулж аваад “Монроуд” компанид шууд шилжүүлж өгсөн баримт тухайн үед гарч байсан.
Тэгвэл энэ замыг тавихдаа тухайн 506 сая төгрөгний шатахууныг авч хэрэглэжээ. Төрийг луйвардаж төсвөөс хоёр удаа мөнгө гаргуулна мөн дээрээс төрийн нэрийг барьж өөрийн "Монроуд" компанийнхаа нэр дээр шатахуун зээлж, хэрэглэсэн байна.
Хагас тэрбум төгрөгний өртэй хүн нэр дэвшиж болох уу
Сонгуулийн тухай хуульд нэр дэвшигчийг бүртгэхдээ "Банк, бусад хуулийн этгээд иргэнд шүүхийн шийдвэрээр тогтоосон төлбөл зохих зээл, барьцаа, батлан даалтын өргүй байх...", "Нэр дэвшигч нь аль нэг компанийн 51 ба түүнээс дээш хувьцаа эзэмшдэг бол тухайн компани нь албан татварын хугацаа хэтэрсэн өр төлбөргүй байх...” зэрэг заалт байдаг юм байна. Үүнээс харахад эрхэм гишүүд дахин зөөлөн суудалд суух боломжгүй болжээ. Ийн УИХ-ын гишүүн Б.Гарамгайбаатар хуулийн хүрээнд нэр дэвших боломжгүйгээ мэдээд өнгөрсөн нэгдүгээр сард өөрийн 100 хувь эзэмшлийн хэмээн ХОМ-доо мэдүүлж байсан "Монроуд" компаниа хүү Г.Тэнгисийн нэр дээр шилжүүлэх замаар өр төлбөргүй мэт дүр эсгэн, дахин нэр дэвшихээр улайрч эхэллээ.
Хагас тэрбумын өртэй УИХ-ын гишүүн Б.Гарамгайбаатарт Хан Хэнтий нутгийнхан дахин итгэл хүлээлгэх үү
Хэнтий аймаг сүүлийн ардчиллын 12 жилд дандаа МАН-ынхныг сонгож байсан. 12 жилийн дараа АН-аас ганц гишүүн сонгосон УИХ-ын гишүүн Б.Гарамгайбаатар. АН төр барьсан сүүлийн 4 жил ард түмний амьдрал доройтож, эдийн засаг яаж элгээрээ мөлхсөнийг иргэдийн талх хувааж, наранцэцэгийн тос граммлаж авч байгаагаас харж болно. Хэлсэн ярьсанаа мартдаг, төрөө луйварддаг Б.Гарамгайбаатар гишүүнд та ахин итгэл хүлээлгэх үү.
