Л.Болд:Надад оффшор данс огт байхгүй

Монгол гэлтгүй дэлхий даяараа хөрөнгө мөнгөө нуусан оффшор данстануудын талаар мэдээлэл цацагдаж эхлээд удаагүй байна. Өнөөдөр цахим мэдээлэлийн хэрэгслээр монголын 49 хүн дээр нэмээд УИХ-ын гишүүн Лу.Болд, С.Эрдэнэ, Ч.Улаан, Монгол банкны захирал асан Д.Пүрэвдоржийн хүү Д.Хангал, Байгаль орчны яамны сайд асан У.Барсболд, УИХ-ын гишүүн Ш.Отгонбилэгийн хүү О.Содбилэг нар нэмэгдлээ гэсэн мэдээлэл гарсан. Бид энд нэр дурьдагдсан гишүүдээс  энэ талаар тодруулахаар холбогдож байна. Хүн амын хөгжил, нийгмийн хамгааллын сайд С.Эрдэнэнээс энэ талаар тодруулахахад "Надад  оффшор данс байхгүй. Би тийм юм мэдэхгүй. Сонгууль дөхөж байгаа энэ үед нэгнийгээ ингэж харлуулахаа болих хэрэгтэй" гэв. Харин УИХ-ын гишүүн О.Содбилэгтэй холбогдох гэсэн боловч утсаа авахгүй байна. Нэр холбогдоод байгаа  УИХ-ын гишүүн Л.Болдтой холбогдож, энэ талаар тодрууллаа.

-Таныг оффшор бүсэд данстай гэж мэдээлэл гарлаа. Энэ үнэн үү?

-Энэ бол оргүй худал мэдээлэл байна. Надад тийм данс байхгүй. Тэрчлэн  гадаадын аль нэг улсад бүртгэлтэй компани ч байхгүй.

-Хэрэв та нууж байгаа бол энэ нь хэзээ нэг цагт илэрнэ, цаг хугацааны л асуудал шүү дээ?

-Тийм данс нэгэнт байхгүй учраас хэзээ нэг өдөр илэрнэ энэ тэр гэх зүйлгүй биз дээ. Би Хөрөнгө орлогын мэдүүлгээ цаг тухайд нь үнэн зөвөөр гаргаж өгдөг. Үүнд эргэлзэх шаардлага байхгүй гэсэн хариултыг өглөө. Нэр дурьдагдсан хүмүүс эхнээсээ мэдээлэл өгч эхэллээ. Байгаль орчны яамны сайд асан У.Барсболдын хувьд оффшор данстай гэдэг нь ил болсон Харин бусад нэр дурьдагдсан оффшортой гэдэг нь ташаа мэдээлэл байна.