Жүжигчин Амарааг шадар сайд өмөөрөв

Жүжигчин Б.Амараа “Би юу хийчихэв ээ” нэртэй бичлэг хийснийхээ төлөө хоёр гараа ардаа гавлуулахад бэлэн байна. түүний энэхүү бичлэг сошиалаар тархсаны дараа төрийн эрх баригчдын хараанд өртөж, жирийн иргэдийн хүрээллийг авах болсон.  Харин түүний энэхүү үйлдлийн талаар манай сайт  өмгөөлөгч Г.Батбаяртай ярилцахад тэрээр  “Жүжигчин Амараагийн уг бичлэг сонгуулийг будлиантуулж, төрийн эрх мэдлийг хууль бус аргаар авах санаа зорилгыг агуулан ард олны амгалан тайван байдлыг алдагдуулж, айдас хүйтэст автуулан, оюун санааны хүчирхийлэл үйлдэх аргаар санаа бодлыг хувирган тогтворгүй болгох гэмт хэргийн шинж агуулсан” гэж үзэж байгаагаа илэрхийлсэн. Харин өчигдөрийн хувьд жүжигчин Амрааг СБД-ийн цагдаагийн хэлтсээс дуудаж байцаалт авсан талаар хэвлэлээр шуугисан. Тэгвэл энэ үйлдэлд УИХ-ын гишүүн, Шадар сайд Ц.Оюунбаатар өөрийн цахим хуудаснаа жүжигчин Б.Амарааг өмгөөлсөн пост оруулсан байна. Тэрээр  жүжигчин Б.Амараа Монгол Улсын “Үндсэн хууль-д заасан эрхийнхээ дагуу үгээ хэлж, хэвлэн нийтэлжээ. Түүний энэ үйлдэл нь Монгол Улс дахь ямар нэгэн хууль журмыг зөрчөөгүй байна. Түүнийг буруутгасан асуудал нь өөрөө аливаа улс төрийн захиалга, ямар нэгэн хэлмэгдүүлэлт бол эргүүлээд эрүүгийн хариуцлага тооцох тухай асуудал болно” гэж  анхааруулжээ