УИХ-ын чуулганы нэгдсэн хуралдаан өнөөдөр өглөө 09.00 цагт эхлэх ёстой байсан ч ирц бүрдэхгүй байсаар дөнгөж сая эхэллээ. Яг одоо Үндсэн хуулийн цэцийн шийдвэрийг хэлэлцэж байна. Уг нь өнгөрсөн долоо хоногт энэ асуудлыг хэлэлцэх ёстой байсан ч МАХН-МҮАН-ын Шударга ёс эвслийн бүлэг завсарлага авсан юм. Дашрамд, Өнгөрсөн сарын 22-нд болсон Үндсэн хуулийн Цэцийн дунд суудлын хуралдаанаар УИХ-аас баталсан Сонгуулийн тухай хуульд “Улсын Их Хурлын 48-аас илүүгүй гишүүнийг олонхийн сонгуулиар, 28-аас илүүгүй гишүүнийг хувь тэнцүүлэх сонгуулиар тус тус сонгоно” гэж заасан нь “Үндсэн хууль” зөрчиж байна гэсэн дүгнэлт гаргасан юм.
Чуулганы хуралдаанаар цэцийн шийдвэрийг хэлэлцэж эхэллээ
2016-05-04 10:21:00
