Хэдэн хоногийн өмнөөс эхлээд жүжигчин Амраагийн “Би юу хийчихвээ” гэсэн бичлэг цацагдаж эхэлсэн. Өнгөрсөн сонгуулиар түүний хувьд “Улс шиг хөгжиж хүн шиг амьдаръя” гэж Ардчилсан намын уриа лоозонг хэлж “Намайг Амараа гэдэг” хэмээн сурталчилж, олныг шуугиулсан. Энэ жилийн сонгууль өмнөхөн Амраа “Би юу хийчихвээ” хэмээн дахин гарч ирлээ. Түүний хэлсэн “Би юу хийчихвээ” гэдэг үг сүүлийн хэдэн өдрийн тренд үг болоод байна. Түүний бичлэг хамгийн их хандалттай байгаа энэ үед жүжигчин Амраа бусдын халдлагад өртөж, зодуулсан талаар мэдээлэл өчигдөрөөс гарч эхэлсэн. Тэрбээр энэ талаараа өөрийн цахим хуудсандаа “Үнэнийг хэлсэний төлөө амь насанд минь занал хийллээ. Амыг минь барих болоогүй шүү. Ардаас минь машинтай дагахын оронд урдаас минь ил үзэлцээрэй. Би айхгүй үнэн намайг хамгаална” хэмээн бичжээ. Ардчиллын эсрэг хийсэн бичлэгээс болж аль нэгэн улс төрийн хүрээнийхэн Амрааг заналхийлсэн төдийгүй, өнгөрсөн хагас сайн өдөр зодуулсан байна.
Тренд болж байгаа бичлэгийг МАН-ын захиалгаар хийсэн гэсэн мэдээлэл гарч байсан. Тэгвэл энэ талаар "Hero Entertainment" -ийн ерөнхий редактор Б.Батзориг "Амараагийн бичлэгийг МАН-ын захиалгаар манай студи хийсэн" гэсэн мэдээлэлийг өглөө. Ихэнхи хүмүүсийн асуугаад байгаа “Амраа юу хийчихвээ” биш энэ бүхний ард захиалга өгсөн “МАН юу хийчихвээ”. Тэдний ардчиллын эсрэг хийсэн захиалгат бичлэгнээс болж жүжигчин Амраа заналхийлэлд өртсөн байна.
