Сэлэнгэ аймгийн Цагааннуур сумын Дунд даваанд 4 дүгээр сарын 28-нд ой, хээрийн түймэр гарч, 8.85 км урт, 6.85 км өргөн талбайг хуйхалсан. Энэ түймэр Зүүнбүрэн сумын нутаг руу орсноор нийт 4 айл өртөж, орон гэрээ алдсан юм. Тэдэнд УОК-ын шийдвэрээр 5 ханатай иж бүрэн гэр өгчээ. Цагааннуур сумын 3 өрх, Зүүнбүрэн сумын 1 өрхөд тус аймгийн засаг дарга Н.Лхагвадорж 5 ханатай, шалтай, 2 давхар эсгийтэй иж бүрэн гэр хүлээлгэн өгсөн байна.
