Хөвсгөл аймгийн Ханх сумын Эрэн хайх, аврах бүлэг, засаг даргын орлогч М.Эрдэнэдаваа, цагуурч Б.Нэргүй, байгаль орчны хяналтын байцаагч М.Жавзан, Хөвсгөлийн УТХГ-ын байгаль хамгаалагч Б.Пүрэв-Очир нар хамтран, Хөвсгөл нуурын мөсний зузааныг хэмжин, анхааруулах тэмдэг байрлууллаа. Тэд Ханх сумаас Хатгал тосгон чиглэлийн Тахиртохой, 13 овоо, Тааны-Ам, Турагийн шанаа, Ноён голын үзүүр, Моринтусгал, Овооны-Үзүүр, Далбайн-Ам, Модонхүй, Урд Модонхүү, Хаданхүй гэдэг газарт тэмдэг тавьжээ.
