Өнгөрсөн Даваа гарагт Бүгд Найрамдах Энэтхэг Улсын парламентын Доод танхим /Лок Сабха/-ын дарга Сумитра Махажан манай улсад айлчилсан. Тэрээр УИХ-ын дарга З.Энхболдын урилгаар манай улсад ирсэн бөгөөд 22-н хүртэл байх юм. Төрийн нөлөө бүхий хүнийг Монголдоо урьсан З.Энхболдын хувьд зочиноо хүлээж авахдаа төрийн ёслолыг буруу үйлдэж маш том алдаа гаргасаныг ард түмэн шүүмжилж байна. Тодруулбал тэрээр зочинтойгоо буруу гар барьж,тугаа буруу байрлуулсан нь төрийн ёсыг эс хүндэтгэж ёс жаягаа алдсан үйлдэл боллоо. Өөрөө зочиныхоо оронд зочин болчихоод зогсож байгаа Зи даргын үйлдэл түмэнд таалагдсангүй. Төрийн өндөр албан тушаалтнууд энэ мэт хүндэт зочиныг хүлээж авахдаа гаргасан алдаагаа мэдсэн ч мэдээгүй юм шиг өнгөрдөг тохиолдол олон. Ард түмний нүдэн дээр толь мэт үргэлж ил байдаг төрийн түшээд гаргасан үйлдлээ бодож, төрийн албаны ёслол хүндэтгэлийг дэг жаягаар нь гүйцэтгээсэй гэсэн шүүмж олны амнаас тасарсангүй. Ард түмнийг хөөж тууж, АСЕМ-ын үеэр царайлаг хүн л гудманд гараарай гэх нь холгүй байгаа томчууд өөрсдийнхөө толгой дээрх бухлыг эхлээд харчихаасай даа
