Европын холбооноос Украинд үзүүлсэн нийт тусламжийн хэмжээ 16 тэрбум евро болжээ. Европын холбооны дипломат албаны тэргүүн Жозеп Боррел Батлан хамгаалах, аюулгүй байдлын асуудлаарх бага хурлын үеэр энэ тухай мэдэгдэв.
"Эхний санхүүжилт 500 сая евро байсан бол өнөөдөр зургаан тэрбумд ойртож байна. ЕХ-ны улс орон, байгууллагууд хамтран 16 тэрбум еврогийн тусламж үзүүлсэн бөгөөд энэ бол төгсгөл биш" гэж тэр хэллээ.
Үүний зэрэгцээ НАТО-гийн гишүүн орнуудаас Украинд үзүүлсэн нийт тусламжийн хэмжээ аль хэдийн 150 тэрбум еврог даваад байна.4-р сарын 20-нд НАТО-гийн Ерөнхий нарийн бичгийн дарга Йенс Столтенберг Киевт айлчлах үеэр 2023 оны хоёрдугаар сараас хойш 65 тэрбум еврогийн цэргийн тусламж Киевт очсон болохыг хэлсэн юм.
