Иргэн арилжааны банкнаас 10 сая төгрөгийн зээл авахад 100 мянган төгрөгийг суутгаад 9.9 сая төгрөг шилжүүлдэг. Үүнийг ШӨХТГ-аас үндэслэлгүй суутгал гэж үзэн арилжааны нэр бүхий 9 банкийг тус бүр 20 сая төгрөгөөр торгох шийдвэр гаргасан.
Гэвч банкнуудын зүгээс энэ шийдвэрийг хууль бус гэж үзэн шүүхэд хандаад буй юм. Нийслэлийн Захиргааны хэргийн анхан шатны шүүхэд өнөөдөр /2023.04.10/ дээрх зөрчил, гомдолтой холбоотой шүүх хурал болж байна. Нууцын баримттай тул шүүх хурал хаалттай болж буйг эх сурвалж мэдээллээ.
