Дорнод аймагт зээрийн сүрэг хордож үхсэн байж болзошгүй хэрэг өнгөрсөн амралтын өдрүүдэд гарсан.
Уг хэрэгтэй холбогдуулан Монгол Улсын Засгийн газар ажлын хэсгийг байгуулсан бөгөөд ажлын хэсэгт БОАЖ-ын Сайд Б.Бат-Эрдэнэ, ХЗДХ-ийн Сайд Х.Нямбаатар, ХХААХҮ-ийн Сайд Х.Болорчулуун нар орсон байна.
Яаралтай ажлын хэсгийг өчигдрөөс Дорнод аймагт ажиллуулж эхэлсэн бөгөөд дараах бүрэлдэхүүнээр ажиллаж байгаа аж.
Хууль зүй, дотоод хэргийн яам: Цагдаагийн байгууллага болон Экологийн цагдаагийн албаны шалгалтын хэсэг;
Байгаль орчин, аялал жуулчлалын яам: Байгаль орчин, салбарын хяналтын ажлын хэсэг;
Хүнс, хөдөө аж ахуй, хөнгөн үйлдвэрийн яам: Үхсэн зээрийн асуудлаар мал эмнэлгийн лаборатори бүхий ажлын хэсэг ажиллаж байна.
Эх сурвалж: ЗГ
