8o
Улаанбаатар хот
mobile menu

Морин хуурын чуулга Японы “NHK Hall” танхимд тоглолоо

2022-12-02 12:42:00

Монгол Улс-Япон Улсын хооронд дипломат харилцаа тогтоосны түүхт 50 жилийн ойн хүндэтгэлийн тоглолт Япон Улсын “NHК Hall” концертын танхимд болж өндөрлөлөө.

Соёл урлагийн салбарын хамтын ажиллагааны хүрээнд арваннэгдүгээр сарын 30-ны өдрөөс арванхоёрдугаар сарын 20-ны өдрүүдэд зохион байгуулагдах Улсын филармонийн Морин хуурын чуулгын аялан тоглолтын анхны тайз болох “NHK Hall” нь Япон Улсын нэр хүндтэй томоохон танхимуудын нэг юм.

Морин хуурын чуулга нь 1997 оноос хойш Япон Улсад 33 удаагийн айлчлан тоглолтыг зохион байгуулж нийт 200 гаруй тоглолт, арга хэмжээнд уригдан оролцсон байна. Монгол Улс, Япон Улсын найрамдалт харилцаа, соёл урлагт үзүүлж байгаа хувь нэмрийг үнэлж 2018 онд Япон Улсын Гадаад Хэргийн сайдын өргөмжлөл хүртээж, 2022 онд “Монгол Улсын Соёлын элч”-ээр томилсон.

Морин хуурын чуулга Японы “NHK Hall” танхимд тоглолоо

Ташрамд дурдахад, 2021 оны долоодугаар сард болж өнгөрсөн хоёр орны Ерөнхий сайд нарын уулзалтын үеэр 2022 оныг "Монгол, Японы хүүхэд залуучуудын найрамдал, солилцооны жил" болгон зарлаж, улмаар 50 жилийн ойг тэмдэглэн өнгөрүүлэх арга хэмжээний хүрээнд бүтэн жилийн турш улс төр, эдийн засаг, соёл урлагийн олон арга хэмжээг зохион байгуулсан юм.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment