Шатахуун тээвэрлэж явсан автомашин осолдож, хоёр хүн амиа алджээ.
Тодруулбал, Ховд аймгийн Манхан сумын нутагаас Баян-Өлгий аймгаас Баянхонгор аймгийн чиглэлд шатахуун тээвэрлэж явсан ”Норд Бенз” загварын ачааны автомашин авто замын хажуу руу унасан осол гарсан байна.
Ослын улмаас 51 болон 44 настай хоёр эрэгтэй автомашины бүхээгт хавчуулагдаж нас баржээ.
Иймд жолооч нар орон нутгийн замд зорчихдоо цаг агаарын болон замын нөхцөл байдлын талаар мэргэжлийн байгууллагаас өгч буй мэдээллийг авч тээврийн хэрэгслийн бүрэн бүтэн байдлыг сайтар хангах, замын хөдөлгөөний дүрмийг баримтлан хурд хэтрүүлэхгүй хөдөлгөөнд оролцохыг зөвлөж байна.
