"Нээлттэй шүүх" хэвлэлийн бага хурлаар, Монгол Улсын шүүхийн 2022 оны III улирлын шүүн таслах ажиллагааны нэгдсэн дүн мэдээг танилцууллаа.
ШЭЕ-ийн Мэдээллийн технологи, хэргийн хөдөлгөөний удирдлагын хэлтсийн дарга Э.Амарсанаа: Анхан шатны шүүх нь 2022 оны гуравдугаар улиралд эрүүгийн 10 мянга 443, иргэний 40мянга 852, захиргааны 1465 хэрэг буюу нийт 52 мянга 760 хэрэг маргааныг хянан шийдвэрлэсэн байна. Үүнээс 20 мянга 701 зөрчлийн хэргийг шийдвэрлэж 12 мянга 485 хүн, 8 хуулийн этгээдийг гэмт хэрэг үйлдсэн гэм буруутайд тооцсон. Түүнчлэн 19 мянга 458 хүнд хуулийн этгээд зөрчлийн шийтгэл оноогдуулж, 561 хүнийг хорих ял эдлэхээс хугацаанаас өмнө суллаж, хяналт тогтоох болон ялаас чөлөөлж 1206 хүнд цагдан хорих арга хэмжээ авч, 2243 хүнийг цагдан хорих хугацаа сунгасан байна. Анхан шатны шүүхийн хянан шийдвэрлэсэн нийт хэргийн тоо өмнөх оны мөн үеэс эрүүгийн хэрэг 1775 хэргээр буюу 20.5 хувиар, иргэний хэрэг 10 мянга 882 хэргээр буюу 36.3 хувиар, захиргааны хэрэг 233 хэргээр буюу 19.9 хувиар тус тус өссөн дүнтэй байна.
Давж заалдах шатны шүүх нь гуравдугаар улиралд эрүүгийн 1743, зөрчлийн 589, иргэний 2458, захиргааны 609 хэрэг зэрэг нийт 5300 гаруй хэрэг маргааныг хянан шийдвэрлсэн байна. Харин хяналтын шатны шүүх нь гуравдугаар улирлын байдлаар эрүүгийн 133, иргэний 837, захиргааны 48 хэрэг буюу нийт 1018 хэргийг хянан шийдвэрлэжээ.
Монгол улсын шүүхээс 2022 оны гуравдугаар улиралд нийт 20 тэрбум 862 сая 473 мянга 845 төгрөгийг төрийн санд оруулахаар шийдвэрлэсэн.
Анхан шатны шүүхээр хянан шийдвэрлэсэн хэргийн 16.7 хувь нь давж заалдах шатны шүүхээр хянагдсан байна. Харин хяналтын шатны шүүхээр тайланд хугацаагаар 133 хэргийг хянан шийдвэрлэсэн байна. Энэ давж заалдах шатны шүүхийн хянан шийдвэрлэсэн хэргийн 7.6 хувийг эзэлж байна. Анхан шатны шүүхээр хянан шийдвэрлэсэн нийт хэргийн дараах төрлийн гэмт хэргүүд өсссөн дүнтэй байна. Үүнд:
- Хүний эрүүл мэндэд санаатай хүнд хохирол учруулсан 54 хэргээр буюу 18,2 хувиар
- Хүний эрүүл мэндэд санаатай хөнгөн хохирол учруулсан 1022 хэргээр буюу 29.9 хувиар
- Дээрэмдэх гэмт хэрэг 49.6 хувиар
- Авто тээврийн хэрэгслийн хөдөлгөөний аюулгүйн байдал, ашиглалтын журам зөрчсөн гэмт хэрэг 205 хэргээр буюу 36.3 хувиар тус тус нэмэгджээ.
Ял шийтгүүлэгчийг насны ангилалаар авч үзбэл 35 дээш насын ял шийтгүүлэгчдийн тоо нийт ял шийтгүүлэгчдийн 60 ,6 хувийг бүрдүүлж байна. Нийт гэм буруутай тооцсон 12 мянга 304 хүнээс хүмүүжлийн чанартай албадлагын арга хэмжээ 119 буюу 1 хувь, эмнэлгийн чанартай албадлагын арга хэмжээ 20 буюу 0.2 хувь, эрүүгийн хариуцлагаас чөлөөлсөн 367 буюу 2.9 хувь, хорих ял оноогдуулахгүйгээр тэнэсэн 1069 буюу 8.6 хувь, нийтэд тустай ажил хийлгэхээр 1308 буюу 10.5 хувь, хорих ялаар 2083 буюу 16.7 хувь, торгох ялаар 6173 буюу 49.4 хувь, зорчих эрхийг хязгаарлах ялаар 1354 буюу 10.8 хувь тус тус шийтгүүлжээ.
Гэмт хэргийн улмаас 11 мянга 781 хүн 323 хуулийн этгээд хохирогчоор тогтоогдсон. Үүнээс бол 19.7 тэрбум төгрөгийн эд хөрөнгө хохирол, 323 хүний амь хохирч, 6920 хүн эрүүл мэндэд хүнд, хөнгөн хохирол учирсан байна.
Эвлэрэл амжилттай болсон тохиолдол өмнөх оны мөн үеэс 3.3 хувиар буурсан үзүүлэлттэй гарсан байна. Монгол Улсын шүүхээр 2022 оны гуравдугаар улирлын байдлаар шүүгдэх эвлэрүүлэн зуучлах гарсан 17 мянга 472 өргөдлөөс 10 369 өргөдлийг шийдвэрлэжээ. Үүнээс 6515 буюу 62.8 хувьд эвлэрэл амжилтттай болж 3854 буюу 37.2 хувь нь эвлэрэл амжилтгүй болсон байна.
Иргэний хэргийн анхан шатны шүүхээр 2022 оны гуравдугаар улиралд 40 мянга 852 хэрэг хянан шийдвэрлэгдэж өмнөх оны мөн үеэс 10 мянга 882 хэргээр буюу 36.6 хувиар, давж заалдах шатны шүүх 2848 хэрэг хянан шийдвэрлэгдсэн нь өмнөх оны мөн үеэс 512 хэргээр буюу 25.7 хувиар өсжээ. Харин хяналтын шатны шүүх нь 837 хэрэг хянан шийдвэрлэгдсэн бөгөөд энэ нь өмнөх оны мөн үеэс 255 хэргээр буюу 23.5 хувиар буурсан үзүүлэлттэй байна.
