НӨАТ-ын сугалааны аравдугаар сарын тохирол 11 дүгээр сарын 16-ны 13:00 цагт явагдахаар товлогджээ. Сугалааны тохирлыг Боловсрол ТВ болон Ebarimt аппликэйшнээр шууд үзэх боломжтой.
Өөрөөр хэлбэл 2022 оны аравдугаар сарын 1-31-ний хооронд худалдан авалт хийсэн баримтаар сугалааны тохирол явагдана. Тиймээс иргэд төлбөрийн баримтаа системд уншуулж байхыг зөвлөлөө. Өнөөдрийн байдлаар 26,358,776 баримт системд бүртгэгджээ.
НӨАТ-ын сугалааны шинэ журмаар олон баримт бүртгүүлэх тусам азтан болох боломж өндөр хэмээн мэдэгдээд буй. Тодруулбал 1-10 баримт бүртгүүлээд 3-8 орон таарвал 30,000-5 сая төгрөг, 11-50 баримт бүртгүүлээд 3-8 орон таарвал 40,000-10 сая төгрөг, 51-ээс дээш баримт бүртгүүлээд 3-8 орон таарвал 60,000-30 сая төгрөгийн урамшуулал авна.
“Азтан болсон иргэн урамшууллаа баталгаажуулсан өдрөөс хойш ажлын 15 хоногт олгоно. Урамшууллаа сугалааны тохирол явагдсанаас хойш 90 хоногийн дотор баталгаажуулах эрхтэй байдаг. Баталгаажуулахгүй 90 хоногоос хэтэрвэл цуцлагдах журамтай байдаг юм байна.
