Хятадын Ардын Чөлөөлөх Армийн 26 нисэх онгоц, дөрвөн хөлөг онгоц Тайваньд ойртон иржээ. Энэ тухай Тайванийн Батлан хамгаалах яамны Twitter дэх өдөр тутмын тайланд мэдээллээ. Түүнчлэн Тайванийн хоолойн гол шугамыг найман онгоц тэр дундаа зургаан J-16 сөнөөгч онгоц, нэг Y-8 цахим тагнуулын онгоц дайрч өнгөрсөн гэнэ. Харин Тайвань нөхцөл байдлыг хянахын тулд агаарын эргүүл аль хэдийнэ илгээж, радиогоор сэрэмжлүүлэхийн сацуу арлууд дээр агаарын довтолгооноос хамгаалах пуужингийн систем байрлуулсан аж.
1949 онд Чан Кайши тэргүүтэй Гоминданы арми Хятадын Коммунист Намтай хийсэн иргэний дайнд ялагдсаны дараа тус улс руу дүрвэсэн юм. Ингэснээр БНХАУ-ын төв засгийн газар болон Тайванийн албан ёсны харилцаа тасарч, 1980-аад оны сүүлээр талуудын ажил хэргийн төдийгүй албан бус харилцаа сэргэж эхлэв. Гэвч сүүлийн саруудад тэдний хооронд хурцадмал байдал үүссэн билээ. Сүүлийнх нь Тайванийг нэгтгэхийг хүсэж байна хэмээн БНХАУ-ыг буруутгаж буй бол Хятадын эрх баригчид АНУ-аас Тайваньд зэвсэг нийлүүлж байгааг эгдүүцэж байна.
