8o
Улаанбаатар хот
mobile menu

"Сүрьеэ туссан нэгнийгээ гадуурхдаг, гадуурхалтаас болж өвчнөө нуух хандлага байдаг"

2022-09-20 10:06:36

Улсын Их Хурлын гишүүн, УИХ-ын Ардын эрүүл мэндийг дэмжих лобби бүлгийн гишүүн Ж.Чинбүрэн /2022.09.19/ Дэлхийн эрүүл мэндийн байгууллагын үнэлгээний ахлах зөвлөх Паул Нанн тэргүүтэй төлөөлөгчидтэй уулзлаа. Уулзалтын үеэр энэ оны 9-11 дүгээр сард манай улсад зохион байгуулагдах “Монгол Улсын Сүрьеэгийн үндэсний хөтөлбөрийн үнэлгээ”-ний талаар санал солилцлоо.

Улсын Их Хурлын гишүүн Ж.Чинбүрэн сүрьеэгийн хөтөлбөрийн үнэлгээ хийх багийн зөвлөхүүдэд хандан сүрьеэ туссан нэгнийгээ гадуурхдаг, гадуурхалтаас болж өвчнөө нуух хандлага байдаг. Үүнээс улбаалж халдварын тархалт нэмэгдэх эрсдэлийг бий болгож байна. Иймд олон нийтэд хандсан үйл ажиллагаа явуулах нь хэр үр дүнтэй байхыг анхааран үнэлэхийг хүслээ.

Мөн сумдын дотуур байранд сүрьеэгийн халдвар гарвал халдварлах эрсдэл хэр өндөр байгааг судлан үзэхийг хүссэн. Түүнчлэн сүрьеэтэй тэмцэхэд салбар хоорондын хамтын ажиллагаа чухал. Тиймээс Улсын Их Хурлын зүгээс манлайлж, эрүүл мэнд, боловсрол, хөдөлмөр нийгмийн хамгааллын салбаруудын үйл ажиллагааг уялдуулах нь чухал байгааг онцоллоо.

зураг

Үнэлгээг үндэсний хэмжээнд дараах зургаан чиглэлээр зохион байгуулах аж. Үүнд:

  • Сүрьеэгийн хөтөлбөрийн менежмент, удирдлага, засаглал, санхүүжилт
  • Сүрьеэгийн илрүүлэг, оношилогоо
  • Сүрьеэгийн эмнэл зүйн менежмент
  • Сүрьеэгийн тандалт судалгаа, бүртгэл мэдээлэл
  • Сүрьеэгийн эм урвалж, тоног төхөөрөмжийн ханган нийлүүлэлт
  • Нөлөөлөл, Мэдээлэл сургалт сурталчилгаа

Үнэлгээний олон улсын болон үндэсний зөвлөх багийг сонгон шалгаруулсан байна. Мөн ДЭМБ-аас олон улсын 10 зөвлөх ажиллах аж. Талбарын мэдээлэл цуглуулах үйл ажиллагааг дөрвөн аймаг, хоёр дүүрэгт есдүгээр сарын 19-30-ны өдрүүдэд зохион байгуулах юм байна. Үнэлгээний эхний үр дүнг есдүгээр сарын 30-нд зохион байгуулагдах Сүрьеэгийн дээд хэмжээний уулзалтаар оролцогч талуудаар хэлэлцүүлж, тайланг ирэх арванхоёрдугаар сарын нэгэн гэхэд эцэслэн боловсруулах юм байна. 

зураг

Уулзалтад ДЭМБ-ын үнэлгээний зөвлөх Алексей Koробицян, Лиана Оганезова, Maнами Янагава, Филипп Ду Крос болон Эрүүл мэндийн яам, Халдварт өвчин судлалын үндэсний төв, “Глобал” сангийн холбогдох албаны хүмүүс байлцлаа 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Иргэн
Гадуурхсан юм байхгүй, монгол эмч нар атаархалдаа хөдлөгдөн хүмүүсийг албаар буруу эмчилж, алдаг.
2022/09/21 66.181.191.178
DR. UROLOGIST
Та бөөрийг худалдахыг хүсч байна уу? имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
2022/09/20 197.211.58.29
DR. UROLOGIST
Та бөөрийг худалдахыг хүсч байна уу? имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
2022/09/20 197.211.58.29
  • Recent
  • Most Read
  • Most Comment