Өнгөрсөн хоногт Сэлэнгийн Хүдэр, Ерөө, Бугант, Булганы Тэшиг, Дорнодын Матад, Баяндунд бороо хамгийн их оржээ.
Баруун аймгуудын нутгаар 1-8 градусаар дулаарч, бусад нутгаар 1-6 градусаар сэрүүсэж Монгол-Алтай, Хангай, Хөвсгөл, Хэнтийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж голын хөндийгөөр -6...+1 градус, Алтайн өвөр говиор +15...+20 градус, Их нууруудын хотгор, говийн бүс нутгийн өмнөд хэсгээр +11...+17 градус, бусад нутгаар +2...+8 градус байв. Үүнээс Баянхонгор аймгийн Гурванбулаг суманд -6 градус хүрч хүйтэн хоножээ.
Улаанбаатар хотын төв хэсгээр өнгөрсөн шөнө +2 градус, Яармаг-Сонгино, Тэрэлж орчмоор -1...-3 градус хүйтэн хоносон байна.
Ойрын хоёр хоногтоо ихэнх нутгаар бага зэрэг дулаарна хэмээн Цаг уур орчны шинжилгээний газрын Урьдчилан мэдээлэх хэлтсээс мэдээллээ.
