Дэлхийн эмэгтэйчүүдийн эдийн засаг, бизнесийн форум (WWEBF) өнгөрсөн өдрүүдэд Малайз улсын Куала-Лумпур хотод болж өндөрлөлөө. Тус форумд манай улсаас МЭХ-ны ерөнхийлөгч Б.Оюунгэрэл оролцож "Малчин эмэгтэйчүүдийн шинэ боломж ба дижитал эдийн засаг" сэдвээр илтгэл тавьсан юм. Хоёр өдрийн турш олон улсын эмэгтэйчүүд цар тахлын амаргүй нөхцөлийг хэрхэн даван туулсан цаашид шинэ технологи дижитал эдийн засгийг хэрхэн илүү үр өгөөжтэй нэвтрүүлэх талаар улс орнуудаас ирсэн төлөөлөгчид санал бодол, туршлага, мэдлэгээ хуваалцаж, танилцаж, нөхөрлөсөнөөр энэхүү чуулган өндөрлөсөн байна. Мөн үүнээс гадна хүндэтгэлийн хүлээн авалт дээр зохион байгуулагчдын зүгээс салбар бүрийн манлайлагч, эмэгтэй бизнесүүдийг дэмжигч, ажлын байр бий болгогч шилдэг эмэгтэйчүүдэд шагнал гардуулж дурсгалын цом, өргөмжлөл гардуулсан байна. 20 гаруй эмэгтэй энэхүү шагналын эзэн болсон бөгөөд МЭХ-ны ерөнхийлөгч Б.Оюунгэрэл "Women Leadership Excellence Lifetime Achieveme" энэхүү нэр хүндтэй шагналыг хүртсэн байна.
