Хууль зүйн сайд Д.Дорлигжавыг огцруулахыг МоАХ-ын гишүүд, дэмжигчид шаардлаа. Гэвч үүний ард УИХ-ын гишүүн Х.Баттулга хумсаа нуусан байдал байх магадлалтай .Учир МоАХ-ын гишүүд дэмжигчид өчигдөрийн Х.Баттулгын өрөөнд нэгжлэг хийсэнтэй холбоотойгоор энэхүү шаардлагыг хүргүүлж байгаа гэх таамаг байна. Энэхүү шаардлагад "Монголын Ардчилсан холбооны гишүүн байсан Д.Дорлигжав та эрх зүйт төртэй болохоор хөгжиж яваа Монгол Улсын Хууль зүйн сайдын ажлыг хийх эрх зүйн чадамжгүй байна. Таны удирдлагад байгаа цагдаагийн албан хаагчид хүн зодох, тамлах үйл ажиллагаа явуулж хүний эрхийг зөрчдөг нь ил тод боллоо. Бид ийм ардчиллын төлөө тэмцээгүй. Бид ийм нийгмийг хүсээгүй. Ийм төртэй болох гэж зориогүй юм. Таныг сайн дураараа огцрохыг шаардаж байна!!! Хэрэв эс огцорвол бид дараагийн арга хэмжээг авах болно" гэж бичжээ. Энэхүү шаардлагад гишүүд дэмжигчид гарын үсгээ зуржээ.
