Өчигдөр Хойд Солонгос шумбагч онгоцноос пуужин харвах оролдлого хийсэн байна. Хойд Солонгос удаа дараа пуужингийн туршилт хийж бүсийн аюулгүй байдалд заналхийлж байна гэж Хятадын мэдээллийн агентлаг мэдээллээ Түүнчлэн Хойд Солонгос улсыг тэнгисээс баллистик пуужин хөөргөх оролдлого хийхээр зэхэж байгаа тухай Хойд Солонгосын мэдээллийн эх сурвалж мэдээлсэн байна. Өчигдөр цацагдсан мэдээллээр бол, Хойд Солонгосын ардын армийн бүтээсэн тэнгисийн цэргийн шинэ хөлөг болох Синпо-ангиллын шумбагч онгоцноос Хойд Солонгос баллистик пуужин харвах оролдлого хийсэн байна. Энэхүү шумбагч онгоц нь Япон тэнгисийг чиглэн явж байсан бөгөөд Өмнөд Солонгосын тагнуулынхан шумбагч онгоцны хөдөлгөөнийг хянаж байжээ. Гэсэн ч энэ шумбагч пуужингаас гал нээлгүй эргэж явсан байна. Энэ явдлыг өмнөд Солонгосын албаныхан тайлбарлахдаа, Төхөөрөмжид саатал гарсан байж болзошгүй гэж хэлж байна. Хятад улсын зүгээс Хойд Солонгосын ажиллагааг буруутгаж, худалдааны хориг авах үед Пхенъян цэргийн маневр хийж байгаа тухай мэдээлэл цацагдлаа.
Энэ долоо хоногийн лхагва гарагт Хятад улс Хойд Солонгосын пуужингийн цөмийн туршилтын хариу болгож, алт, нүүрсний импортод хориг тавьсан. Ийнхүү Хятад улс хүртэл энэ улсын эсрэг хориг арга хэмжээг авснаар Пхенъян ихээхэн хүнд байдалд орж байна. Хойд Солонгосын худалдааны 80 орчим хувь нь Хятад улстай хийгддэг юм. Хятад улс хүртэл Хойд Солонгосын эсрэг хориг арга хэмжээ авснаар Хойд Солонгос гаднаас хоол хүнс авах аргагүйд хүрч байна. Нөгөө талаар Хойд Солонгос дотооддоо хүнс хоол ургуулах талбай багатай. Мөн эрчим хүч байхгүй учраас химийн бордоо үйлдвэрлэх аргагүй. Хойд Солонгосын цөмийн хөтөлбөрт ашиглагдах бүх төрлийн түлш, газрын тосны бүтээгдэхүүний экспортод Хятад улс хориг тавьсан байна.
Time.mn
