Өнгөрсөн шөнө буюу энэ оны гуравдугаар сарын 14-ний өдрийн 01:11 цагт Баянзүрх дүүргийн 22 дугаар хорооны нутаг дэвсгэрт байрлах нэгэн караокед цээжиндээ хутгалуулсан ухаангүй хүн байна гэх дуудлага, мэдээлэл цагдаагийн байгууллагад иржээ.
Дуудлагын дагуу Баянзүрх дүүрэг дэх цагдаагийн газрын нэгдүгээр хэлтсийн алба хаагчид шалгалтын ажиллагаа явуулж улмаар 32 настай, эрэгтэй, иргэн "Н" гэгч нь цээжин тус газраа шархтай амь насаа алдсан болохыг тогтоосон байна.
ТУс хэрэгт холбогдуулан иргэн "Г" гэгчийг тус дүүргийн наймдугаар хорооны нутаг дэвсгэрээс 04:00 цагийн үед дайчлан баривчилж мөрдөн шалгах ажиллагааг явуулж байна.
