Хэнтий аймагт ойн түймэр гарч 50 орчим га газар шатжээ

Хэнтий аймгийн Батширээт сумын Барх багийн “Шурангуун” гэдэг газар /аймгийн төвөөс зүүн хойд зүгт 180 км-т, сумын төвөөс баруун хойд зүгт 50 км-т/ 02.24-ний өдрийн 15:00 цагийн орчим ой, хээрийн түймэр гарсан мэдээллийг мөн өдрийн 20:38 цагт хүлээн авсан. Тус сумын Засаг даргын орлогчоор ахлуулсан Засаг даргын Тамгын газрын ажилтнууд 50 орчим га талбай шатаж унтарсан байсныг шалгасан байна. Ингээд тухайн мэдээллийг сумын Засаг даргын Тамгын газрын дарга аймгийн Онцгой байдлын газарт мэдэгджээ.