Зэвсэгт хүчний Агаарын цэргийн командлалынхан энэ оны шилдгүүдээ тодрууллаа. Тодруулбал, Агаарын цэргийн “Тэргүүний анги”-аар хурандаа Д.Шатаррагчаа захирагчтай Зэвсэгт хүчний 303 дугаар анги, “Тэргүүний салбар”-аар 325 дугаар ангийн харьяа хошууч Д.Мөнхзул захирагчтай 116 дугаар тусгай салбар, “Тэргүүний офицер”-оор хошууч Д.Мөнхзул “Тэргүүний ахлагч”-аар 065 дугаар ангийн холбооны албаны холбооны засварчин, жолооч сургагч ахлагч Ц.Болдбаатар, “Тэргүүний ажилтан албан хаагч”-аар 353 дугаар ангийн материал техникийн хангалтын салбарын орон сууц ашиглалтын хэсгийн уурын зуухны механикч Б.Бат-Эрдэнэ нар шалгарлаа. Мөн Агаарын цэргийн командлалын “Тэргүүний бүтцийн нэгж”-ээр Удирдлага төлөвлөлтийн хэлтэс, “Тэргүүний удирдах ажилтан”-аар Материал техникийн хэлтсийн дарга хурандаа Г.Хашчулуун, “Тэргүүний офицер”-оор Удирдлага төлөвлөлтийн хэлтсийн ажиллагааны удирдлагын ахлах офицер, тагнуулын дарга хурандаа Ч.Буянзаяа, “Тэргүүний ажилтан албан хаагч”-аар Материал техникийн хэлтсийн үйлчлэгч Ж.Чулуунцэцэг нар тодорсон юм.
Шагналыг Агаарын цэргийн командлагч хошууч генерал О.Энхбаяр, Удирдлага төлөвлөлтийн хэлтсийн дарга хурандаа Б.Энхзоргол нар гардуулав.
Энэ үеэр “Шинэ төмөр зам” төслийн Тавантолгой-Зүүнбаян чиглэлийн төмөр замын бүтээн байгуулалтад амжилттай оролцсон бүрэлдэхүүнд батламж гардуулж, тус командлалын ахлагчаар ажиллаж байсан тэргүүн ахлагч О.Батбаярт хүндэтгэл үзүүллээ.
Төгсгөлд нь хошууч генерал О.Энхбаяр бидний хувьд улиран одож буй 2021 он цаасан дээр буусан төлөвлөгөө, арга хэмжээнүүд бодит ажил болж хэрэгжсэн, түүнийхээ үр дүнг үзсэн ололт амжилт дүүрэн жил байлаа гэдгийг онцлоод бие бүрэлдэхүүнд ажлын амжилт, эрүүл энхийг хүсэн ерөөв
.jpg?1737345727832)
