8o
Улаанбаатар хот
mobile menu

Дөрөлж нууранд живсэн автомашиныг татаж гаргахаар ажиллаж байна

2021-12-03 11:00:00

Дөрөлж  нууранд шатахуун ачсан автомашин нуур руу цөмөрч живсэн талаар өмнө бид мэдээлсэн. Тус машиныг татаж гаргах ажиллагаа хоёр дахь өдрөө үргэлжилж байна.

Тодруулбал, Хөвсгөл аймгийн Цагаан-Уул сумын Тосон багийн “Дөрөлж нуур” гэдэг газар шатахуун ачсан автомашин чиргүүлийн хамт “Дөрөлж” нуур руу цөмөрч орсон тухай дуудлагыг 12 дугаар сарын 01-ний өдрийн 22:35 цагт хүлээн авсан. Тус аймгийн Онцгой байдлын газрын даргаар ахлуулсан алба хаагчид, тус сумын Засаг даргын тамгын газрын ажилтнууд “ZZ1257 Хово” загварын ачааны автомашиныг татан гаргах ажиллагааг 09:00 цагт эхлүүлж, мөсийг хөрөөдөж, тус автомашиныг гаргахаар ажилласан боловч үзэгдэх орчин хязгаарлагдмал болсон тул 17:52 цагт түр зогсоож, 12 дугаар сарын 03-ны өдрийн 08:00 цагт дахин эхлүүлжээ. Мөсний зузаан 40 см, усны гүн нь 3,1 метр байгаа аж. 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл