Баян-Өлгий аймгийн Өлгий сумын иргэн 33 настай, эрэгтэй Р тус аймгийн төвөөс Увс аймгийн Улаангом хотыг чиглэн зорчиж явахдаа сураггүй болсон тухай дуудлага энэ сарын 23-ны өдөр 23:30 цагт онцгой байдлын байгууллагад иржээ.
Дуудлагын дагуу Увс аймгийн Онцгой байдлын газар, Бөхмөрөн сум дахь Цагдаагийн хэсгийн алба хаагчид, ар гэрийнхэн хамтран эрэн хайх ажиллагааг зохион байгуулж өнгөрсөн шөнө 02:00 цагт Бөхмөрөн сумын Гурван жигэртэй багийн “Хөх сайр” гэдэг газраас автомашиныг нь олсон аж.
Харин иргэн Р-ийг өнөөдөр эсэн мэнд олсон гэж албаны эх сурвалж хэллээ.
.jpg?1737345727832)
