Сүхбаатар аймгийн Сүхбаатар сумын Баянгол багийн нутагт хээрийн түймэр гарсан байна. Энэ тухай дуудлагыг аравдугаар сарын 28-ны өдрийн 03:40 цагт хүлээн авч, тус аймгийн Онцгой байдлын газрын Гал түймэр унтраах, аврах 15 дугаар анги, тус сум дахь Цагдаагийн хэсгийн алба хаагчид, сумын Засаг даргын Тамгын газрын ажилтнууд, орон нутгийн иргэд 05:00 цагт түймрийн голомт руу хөдөлсөн байна.
