8o
Улаанбаатар хот
mobile menu

БНСУ-д хөдөлмөрийн гэрээгээр ажиллах иргэдийг цахимаар 29-нд бүртгэж эхэлнэ

2021-06-25 14:30:00

БНСУ-д хөдөлмөрийн гэрээгээр ажиллах хүсэлтэй иргэдийг энэ сарын 29, 30-ны өдөр solongos.hudulmur-halamj.gov.mn хаягт бүртгэнэ.

Солонгос хэлний түвшин тогтоох шалгалтын хуваарийг ирэх сарын 16-ны өдөр зарлана. Шалгалтыг ирэх сарын 26-наас есдүгээр сарын 17-ны хооронд зохион байгуулж, тэнцсэн иргэдийн нэрийг есдүгээр сарын 23 -нд зарлана.

Бүртгүүлэхийг хүссэн иргэн :

  1. 18-39 настай Монгол Улсын иргэн
  2. Хорих ял шийтгэл эдэлж байгаагүй
  3. БНСУ-аас албадан гаргах буюу тус улсыг орхин явах захирамж гаргуулж байгаагүй
  4. Монгол Улсаас гарах эрхээ хязгаарлуулаагүй
  5. Өнгө ялгах чадвартай
  6. Мэргэжлийн бус ажилчны E-9, усан онгоцны ажлын E-10 визээр БНСУ-д тав болон түүнээс дээш жил ажиллаагүй байх шаардлага хангасан байна.

Бүртгэл, онооны тогтолцооны шалгалтын дэлгэрэнгүйг http://hudulmur-halamj.gov.mn/content/36 , www.ezuvshuurul.mn ээс үзнэ үү. Анхааруулга:

  • Нурууны үений диск, гарын сарвуу дутуу тохиолдолд хэлний шалгалтад орж болох хэдий ч хоёр дахь шалгалтад ажил үүрэг гүйцэтгэх чадамжгүй гэж үзэн хасна.
  • Солонгос хэлний зохих мэдлэггүй бол бүртгүүлэхгүй байхыг зөвлөж байна.
  •  Бүртгэлийн хураамж болох 24 ам.долларыг төлснөөр таны бүртгэл баталгаажна.

Цахим бүртгэлийн solongos.hudulmur-halamj.gov.mn систем энэ сарын 29, 30 ны өдөр өглөө 09:00 цагт нээгдэж, 18:00 цагт хаагдана. Системд ухаалаг гар утас, компьютер, таблетаас нэвтрэх боломжтой.

 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment