Өнөөдрөөс нийт 18 чиглэлийн үйл ажиллагааг хориглож бусад салбарын ажил хэвийн явагдаж эхэллээ. Мөн тээврийн хэрэгслийн QR зөвшөөрлийг ашиглахаа болих тухай Нийслэлийн Засаг даргын орлогч Ж.Сандагсүрэн мэдээлэл өглөө. Тодруулбал, өмнөх шиг дугаарын хязгаарлалтын дагуу нэг өдөр тээврийн хэрэгслийн хөдөлгөөнийг хязгаарлагдаад бусад өдөрт энгийн зорчих горим хэвийн үргэлжилнэ.
Хот, хоорондын хөдөлгөөний хувьд Улаанбаатар хотоос гарах хөдөлгөөнд тавигдах хорионы дэглэм хэвээр үргэлжилнэ. Зайлшгүй шаардлагаас бусад тохиолдолд Улаанбаатараас гарахад PCR шинжилгээний хариуг зайлшгүй шаардах аж.