БНСУ руу энэ сарын 15-нд нэг удаагийн тусгай нислэг хийхээр болжээ. Энэ тухай ГХЯ-ны Консулын газрын дарга Л.Мөнхтүшиг УОК-ын Шуурхай штабаас өчигдөр 17.00 цагт шуурхай мэдээлэл хийх үеэр мэдэгдлээ.
Тэрбээр мэдээлэлдээ, "Бэлтгэл ажлыг хангаж байна. Энэхүү нислэгээр 11 дүгээр сард эх орондоо ирэхээр тийз нь баталгаажаад байсан 150-160 иргэнийг авчирна. Нутаг буцах 6 787 иргэн гадаадад байгаагаас БНСУ-д 4000 гаруй ньбайгаа. БНСУ-аас ирэх хүсэлтэй иргэд ЭСЯ-нд ихээр ирж байгаа нь тус улсад мөрдөж буй хөл хорионы дэглэмийг зөрчиж байгаа тул олноороо ЭСЯ дээр очихгүй байхыг зөвлөж байна" гэв.
