Энэ сарын 19-ний өдөр 25 настай эмэгтэй нөхрийнхөө гарт хэрцгийгээр амь үрэгдсэн харамсалтай хэрэг гарлаа.
Тодруулбал, Сүхбаатар аймгийн төв Баруун-Урт сумын харьяат, 29 настай иргэн Т гэгч нь архи, согтууруулах ундааны зүйл хэрэглэсэн үедээ эхнэрийгээ найман удаа хутгалж, амь насыг нь хороосон байна.
Хэргийн тухай дуудлагыг хохирогч эмэгтэй амь насаа алдахаасаа өмнө өөрөө өгсөн гэх ба “Хүн хутгалаад байна” хэмээн цагдаад мэдэгджээ. Гэвч хохирогч олон тооны хутганы шарх авсан байсан тул өвчнөө даалгүй амьсгал хураасан байна. Цагдаа нар хэргийн газрын үзлэгээр хоёр ширхэг хутга илрүүлэн хурааж, хохирогчийн нөхөр болох Т-г сэжигтнээр саатуулан, шалгаж эхэлжээ.
