Нийслэлийн Баянзүрх дүүргийн 26 дугаар хороо, “Энканто таун” хотхоны 14 давхарт “бага насны хүүхэд тагтан дээр ганцаараа байна. Хаалга нь түгжигдсэн орж чадахгүй байгаа” гэх дуудлага өчигдөр өдрийн 13:41 цагт Онцгой байдлын ерөнхий газарт ирсэн байна.
Дуудлагын дагуу Нийслэлийн Аврах 105 дугаар ангийн алба хаагчид 5 км замыг туулан тус хотхонд очиход иргэн М-ийн нэг настай охин тагтан дээрээ түгжигдсэн байдалтай байжээ. Алба хаагчид цонхоор нэвтрэн орж, хаалгыг онгойлгон охиныг авран ээжид нь эсэн мэнд хүлээлгэн өгсөн байна.