Уул, уурхай хүнд үйлдвэрийн сайд Г.Ёндон нь хоёр хүүхдийнхээ сургалтын төлбөрийг өөрийн ажиллаж байсан “Монголросцветмет” ТӨҮГ-аас төлүүлж байсан баримт ил болж олны шүүмжлэлд өртсөн. Тодруулбал, Тэрбээр 2019 онд тус байгууллагад ажиллаж байхдаа хүүхдүүдийнхээ сургалтын төлбөрийг төлүүлсэн байдаг. Тус мэдээлэл цацагдсаны дараа Ерөнхий сайд У.Хүрэлсүх Засгийн газрын хуралдаанаар ТӨБЗГ-ын дарга Б.Цэнгэлтэй уулзаж сургалтын төлбөрийг Г.Ёндон сайдаар буцаан төлүүлэх чиглэл өгсөн. Тус чиглэлийн дагуу Уул, уурхай хүнд үйлдвэрийн сайд Г.Ёндон хүүхдүүдийнхээ сургалтын төлбөрийг буцааж төлсөн байна.
Г.Ёндон сайд нь Засгийн газарт ажиллахаасаа өмнө уг үйлдлийг хийсэн учраас хариуцлага тооцох шаардлагагүй гэж үзэж буй бололтой. Цаашид сайд нар болон төрийн компанийн захирлууд хувийн шинж чанартай ажилд төрийн мөнгийг зарцуулахгүй байх чиглэлд Ерөнхий сайд У.Хүрэлсүх үүрэг өгч, сануулжээ.
