Улсын Онцгой комиссын шийдвэрээр энэ сард нийт 16 удаагийн тусгай үүргийн нислэг үйлдэхээр төлөвлөсөн.
Энэ дагуу өнөөдрийн байдлаар 8 удаагийн нислэг үйлдэж, 1560 иргэнээ татан аваад байна.
Хуваарийн дагуу энэ сарын 16-нд буюу өнөөдөр Сөүл-Улаанбаатар чиглэлд транзит нислэг үйлдэнэ. Уг нислэгээр 260 иргэн эх орондоо ирнэ. Транзит нислэгээр ирэх иргэдийг ХӨСҮТ, Сүнжин Гранд, Хабу, Зүчи зочид буудалд тусгаарлах аж.