Е-Police аппликэйшний тусламжтайгаар 998 зөрчлийг илрүүлжээ. Тодруулбал, иргэд E-POLICE гар утасны аппликейшныг ашиглан есдүгээр сарын 1-15-ны хооронд 998 зөрчлийг илрүүлж, Замын хөдөлгөөний удирдлагын төвд илгээсэн байна.
Тэдгээр хариуцлага тооцож, хуулийн дагуу арга хэмжээ авсан талаар Улаанбаатар хотын замын хөдөлгөөний удирдлагын төвөөс мэдээллээ.
Иргэд, жолооч та бүхэн замын хөдөлгөөнд дүрэм зөрчихгүй, бусдыг хүндэтгэж соёлтой оролцохыг зөвлөж байна.
