Э.Эрдэнэжамъян МАХН-ын ЕНБД болжээ

Саяхан зарласан хэвлэлийн хурлаараа намын даргаа өмөөрч өмөлзтөл уйлаад амжсан Э.Эрдэнэжамъян өчигдөр болсон МАХН-ын хурлаар МАХН-ын Ерөнхий нарийн бичгийн даргаар томилогджээ. Энэ удаагийн хурлаар сүүлийн үед тус намд үүсээд байгаа асуудлууд болоод Г.Шийлэгдамба, Л.Цог нарын талаар хэлэлцэж, нэгдсэн шийдвэр гаргасан бололтой. Ямартай ч тус намынхаа даргын өмнөөс сувдан нулимсаа унагасан Э.Эрдэнэжамъян ийнхүү шинэ томилгоотой болсон байна. Тэрээр  “Намын дарга Н.Энхбаярын ялтай тооцох хугацаа хууль эрх зүйн хувьд дуусгавар болсон учраас АТГ-аас гаргасан бичиг нь хууль зөрчсөн. Мөн Г.Шийлэгдамба өөрийнхөө арьсыг хамгаалах гэж авсан авлигаа Н.Энхбаяр дарга руу бухсан адгийн авлигач, харин Л.Цог Н.Энхбаяр даргаас өөрөө нэг сая доллар нэхчихээд, өөрөөс нь нэхсэн мэтээр гүтгэж байгаа арчаагүй шантаажлагч. Тэд намаасаа урвасан” гэж хэвлэлийн хурал хийж, ард түмэндээ нулимсаа үзүүлээд амжсан нэгэн.