Улсын Онцгой комиссын хуралдаанаар гаргасан шийдвэрийн талаар Шадар сайд Ө.Энхтүвшин мэдээлэл өглөө. Тэрбээр "Вирусийн тархалт дэлхий нийтийг цочроож байна. Засгийн газрын хуралдаан болж байгаа цаг үед дэлхий нийтэд 80 591 хүн халдварлаж 2709 хүн нас барсан байна. Хятадын дараагаар БНСУ анхаарал татаж байна. 1146 хүн халдвар авч 11 хүн нас барсан байна. Хэдийгээр Монгол Улсад бүртгэгдээгүй байгаа ч тайвширч огт болохгүй. Иймээс Улсын Онцгой комисс дараах шийдвэрийг гаргаж байна" гэв. Үүнд:
-Xот хоорондын зорчигч тээвэр, онгоц галт тэрэг, хувийн тээврийн хэрэгслийн хөдөлгөөн хязгаарлалтыг 3-р сарын 3-ны өдрийн 08.00 цаг хүртэл сунгах
-Орон нутгийн бүх нислэгүүдийг 3-р сарын 3-ний 08.00 цаг хүртэл зогсоох
- Монгол Улс-БНСУ хоорондын нислэгийг зогсоосон хугацааг 3-р сарын 11-ний өдрийг дуустал сунгах
-Монгол Улс-Япон улс хоорондын нислэлгий 2-р сарын 28-наас 3-р сарын 11-ний өдөр хүртэл зогсоох
-Төрийн албан хаагчид гадаадад зорчихыг 3-р сарын 31-ны өдөр хүртэл зогсоох
- БНСУ-ын болон, БНСУ-аас ирж байгаа зорчигчдыг 27-наас 3-р сарын 30 хүртэл хилээр нэвтрүүлэхгүй байх
-Хот доторх нийтийн тээврийн үйлчилгээний хязгаарлалтыг 3-р сарын 3 хүртэл сунгах
- Худал мэдээлэл тараасан, эрсдэлтэй улс орноос ирэхдээ мэдээллээ буруу өгсөн, шаардлага биелүүлээгүй иргэдэд хуулийн хариуцлага хүлээлгэхээр тус тус шийдвэрлэж холбогдох албан тушаалтнуудад үүрэг болголоо.