Хүүхний зураг дардаг хоббитой гэх Зам тээврийн сайд М.Зоригт цахим ертөцийнхний хараанд өртжээ. Учир нь тэрээр төрийн ажлаа хийж нисэхийнхэнтэй уулзах үеэрээ дүрэм зөрчсөнийг нэгэн иргэн цахим хуудастаа онцлон жиргэжээ. Тодруулбал, М.Зоригт сайдын нисэх онгоцны талбай дээгүүр машинтайгаа явж буй зургийг оруулаад “Тусгай шалгалт өгсөн жолооч онгоцны талбай дээгүүр явдаг. Гэтэл сайд нисэхийн дүрмийг зөрчин талбай дээгүүр сэлгүүцсэн” гэж шүүмжилжээ. Салбарын сайдын хувьд иргэдэдээ үлгэр дуурайлал үзүүлэх атал өөрөө дүрэм зөрчөөд гэж түүнийг цахим ертөнцийнхөн ширүүхэн шүүмжлээд авчээ.
