12o
Улаанбаатар хот
mobile menu

Увс аймагт 15:00 цагаас хойш архи, согтууруулах ундаа худалдах, түүгээр үйлчлэхийг хоригложээ

2020-02-17 11:30:00

Шинэ коронавирусийн халдвараас урьдчилан сэргийлэх ажлын хүрээнд Увс аймгийн Онцгой комисс өчигдөр хуралдаж, архи, согтууруулах ундааг худалдах, түүгээр үйлчлэх хугацааг өдөр бүрийн 15:00 цагаас хойш хязгаарлах шийдвэр гаргажээ.

Гуравдугаар сарын 2-н хүртэл үргэлжлэх хязгаарлалт тогтоох тухай Увс аймгийн Засаг даргын уг захирамжид мөн ресторан, гуанз, зоогийн газруудыг 20:00 цаг хүртэл ажиллуулах тухай заасан байна.

 

Гэрэл зургийг Увс аймгийн ЗДТГ-ын фэйсбүүк хуудсаас авав.

УВС АЙМГИЙН ОНЦГОЙ КОМИСС ХУРАЛДАЖ ГАРГАСАН ШИЙДВЭРҮҮД:

  • Архи согтууруулах ундааг 15:00 цагаас хойш худалдан борлуулах, түүгээр үйлчлэхийг хориглох
  • Баар, караокены үйл ажиллаагааг зогсоох ба ресторан, гуанз, зоогийн газрууд 20:00 цаг хүртэл ажиллах,
  • Сурагчдыг гадуур сэлгүүцэхгүй байх, олон нийтийн газраар хүүхэд дагуулж явахгүй байх, энэ асуудалд эцэг эхчүүд болон цагдаагийн байгууллага хяналт тавьж ажиллах,
  • Захирамж зөрчиж үйл ажиллагаа явуулж байгаа төлбөрт тоглоомын төвүүдийн үйл ажиллагааг зогсоох, хариуцлага тооцох,
  • Цагаан сар тэмдэглэхгүй байх, аймаг, сум дамжин золголт хийхгүй байх
  • Гандан, хийдүүд ном хурж олон нийтийг цуглуулахыг хориглох
  • Эмнэлгийн яаралтай тусламж үйлчилгээ, эм эмнэлгийн хэрэгсэл тоног төхөөрөмжийн бэлэн байдлыг хангаж ажиллах, шаардагдах санхүүгийн асуудлыг шийдвэрлэх
  • Вирусийн халдвараас урьдчилан сэргийлэх, нөхцөл байдлын талаарх албан ёсны, үнэн бодит мэдээ мэдээллийг мэргэжлийн байгууллагаас авч олон нийтийн мэдээллийн хэрэгслээр нэвтрүүлэх
  • Нийтийн тээврийн хэрэгсэл автобус, онгоцоор зорчигчдод бүртгэл судалгаа хийж, халдвар хамгааллын дэглэмийг сахиулах, халууныг үзэж хэмжих
  • Хилийн хяналтыг сайжруулах, тандалт судалгааг эрчимжүүлэх зэрэг арга хэмжээг авч, хэрэгжилтэд хяналт тавьж ажиллах үүрэг чиглэлүүдийг өглөө.
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
ааа
УБ-т архи зарах,бар цэнгээнийг ХААХ шаардлагатай .
2020/02/17 202.179.24.100
  • Recent
  • Most Read
  • Most Comment
Санал асуулга
Монгол Улсын Ерөнхийлөгч Х.Баттулга 2020 оны УИХ-ын сонгуулийг хойшлуулах нь зүйтэй хэмээн уриалга гаргалаа. Та дэмжиж байна уу? Дэмжиж байна

Нийт санал өгсөн: 31