Говь-Алтай аймгийн Засаг дарга В.Рэнцэндорж Архигүй-Алтайчууд хөтөлбөрийн хүрээнд “Цагийн хуваарийг шинэчлэн тогтоох тухай” захирамж гаргажээ.
Захирамжид зааснаар долоо хоногийн даваа, баасан гарагт аймгийн нутаг дэвсгэрийн хэмжээнд согтуурах ундаа худалдах, түүгээр үйлчлэхийг хориглосон байна.
Энэхүү захирамжаар тогтоосон цагийн хуваарийг мөрдүүлж, захирамжийн хэрэгжилтэд хяналт тавьж ажиллахыг аймгийн Мэргэжлийн хяналтын газар (Б.Түмэнбаатар), аймгийн Цагдаагийн газар (Д.Болдсайхан), сумын Засаг дарга нарт үүрэг болгожээ.