Өнөөдрийн байдлаар олон улсын хэмжээнд коронавирусийн халдвараар өвчилсөн хүний тоо 4593, сэжигтэй тохиолдол 6973, халдвар авч нас барсан хүний тоо 106-д хүрээд байна. Харин Монгол улсын хэмжээнд коронавирусийн халдварын сэжигтэй болон батлагдсан тохиолдол бүртгэгдээгүй байгаа юм.
Иргэдийн дунд халдварын эрсдэл өндөр байгаа энэ үед уламжлалт цагаан сарын баярыг тэмдэглэх эсэх нь эргэлзээтэй асуудал болж байна. Тиймээс Улсын Онцгой комисс өнөөдөр хуралдана. Хурлаар коронавирусийн халдвараас сэргийлэх ажлын явц, цаашдын төлөвлөгөө болон цагаан сарыг хэрхэн тэмдэглэх, баярын бөхийн барилдаан, золголтын асуудлыг хэлэлцэхээр төлөвлөсөн байна.