8o
Улаанбаатар хот
mobile menu

Г.Дэнзэнг гэм буруутайд тооцсон ч, хэргийн хөөн хэлэлцэх хугацаа дууссан тул эрүүгийн хариуцлагаас чөлөөлж шийдвэрлэв

2019-12-14 09:00:00

Г.Дэнзэнд холбогдох хэргийн хөөн хэлэлцэх хугацаа дууссан үндэслэлээр прокурорын шатанд хэрэгсэхгүй болгосон. 

Гэсэн хэдий ч Г.Дэнзэн нь өөрт холбогдох хэргийг гэм буруугүйд тооцуулж, цагаатгуулах тухай хүсэлтээ гаргасан тул прокурор яллах дүгнэлт үйлдэж, хэргийг шүүхэд шилжүүлээд байсан юм.Чингэлтэй дүүргийн Эрүүгийн хэргийн анхан шатны шүүх уг хэргийг өнөөдөр хянан хэлэлцээд Г.Дэнзэнг Эрүүгийн хуулийн ерөнхий ангийн 1.8 дугаар зүйлийн 1, 1.9 дүгээр зүйлийн 2 дахь хэсэгт заасныг тус тус журамлан 2002 оны Эрүүгийн хуулийн тусгай ангийн 263 дугаар зүйлийн 263.2 дахь хэсэгт заасан гэмт хэрэг үйлдсэн гэм буруутайд тооцож, 2002 оны Эрүүгийн хуулийн ерөнхий ангийн 72 дугаар зүйлийн 72.1.2-д заасныг журамлан Г.Дэнзэнд холбогдох хэргийн хөөн хэлэлцэх хугацаа дууссан тул түүнийг эрүүгийн хариуцлагаас чөлөөлж шийдвэрлэжээ.

Хуулийн заалт:

1.8 дугаар зүйл.Хууль үйлчлэх цаг хугацаа

1.Үйлдэл, эс үйлдэхүйг гэмт хэрэгт тооцох, гэм буруутай хүн, хуулийн этгээдэд хүлээлгэх эрүүгийн хариуцлагын төрөл, хэмжээг тухайн гэмт хэргийг үйлдэх үед дагаж мөрдөж байсан хуулиар тодорхойлно.

1.9 дүгээр зүйл.Хууль буцаан хэрэглэх

2.Үйлдэл, эс үйлдэхүйг гэмт хэрэгт шинээр тооцсон, оногдуулах ялыг хүндрүүлсэн, гэмт хэрэг үйлдсэн этгээдийн эрх зүйн байдлыг дордуулсан хуулийг буцаан хэрэглэхгүй.

2002 оны Эрүүгийн хуулийн тусгай ангийн 263.2. Энэ хэргийг давтан үйлдсэн,уг хэргийн улмаас их хэмжээний хохирол, хүнд хор уршиг учирсан бол тодорхой албан тушаал эрхлэх, үйл ажиллагаа явуулах эрхийг таван жил хүртэл хугацаагаар хасч хөдөлмөрийн хөлсний доод хэмжээг тавин нэгээс нэг зуу дахин нэмэгдүүлсэнтэй тэнцэх хэмжээний төгрөгөөр торгох, эсхүл таван жил хүртэл хугацаагаар хорих ял шийтгэнэ.

Тайлбар: Энэ бүлэгт дурдсан төрийн албан тушаалтан гэдэгт төрийн байгууллагад удирдах, гүйцэтгэх албан тушаал эрхэлж байгаа этгээдийг хамааруулна.

2002 оны Эрүүгийн хуулийн ерөнхий ангийн 72.1.2. хүндэвтэр гэмт хэрэг үйлдсэнээс хойш таван жил өнгөрсөн

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
Золбоот.
Авилгачдаа анхаар шүүхтэй хуйвалдаад ард түмнээр тоглож доромжлоод байвал Ард түмний нэрийн өмнөөс хувиараа тооцоо бодно шүү.
2019/12/19 103.26.195.87
зочин
Ядахдаа Монгол Улсыг хохиролгүй болгохгүй юм уу
2019/12/16 192.82.65.160
Халх
Энэ Нямдорж байгаа цагт Увсынхан хэзээ ч хариуцлага хүлээхгүйдээ!!! Алтанхуяг, Дорлигжав, Хүрэлбаатар, Чойжилсүрэн.....нар Нямдоржоо дагуулаад ,Увс, руугаа зайлаач..
2019/12/15 202.9.46.94
зочин
Ингээд 17 тэрбум хулгайлсан авилгач ялгүй өнгөрч байгаа юм уу? Хууль, шүүхийхэнд ёстой хэлэх юм алга даа. Новшнууд үр ач нарынхаа ирээдүйг яаж баллаж байгаагаа ойлгодоггүй юм болов уу?
2019/12/14 139.5.218.90
харамсалтай
МОНГОЛ улс хөгжих боломж алга. төрИЙН АВЛИГАЧИД, ЛУЙварчид МОНГОЛЫН ХУУЛИЙН БАЙГУУЛЛАГУУДЫН АВЛИГАЧДААР БҮРЭН ХАМГААЛУУЛЖ ЧАДАЖ БАЙНА. мянган САЙН ХУУЛЬ ГАРГААД Ч ХЭРЭГ АЛГА.
2019/12/14 66.181.177.219
Зочин
Улс дампуурч. ХЗБХорооны дарга асан Раднаасэд хөөн хэлэлцэх хугацааг зохицуулж улс орноо самарлаа. Их хачин хүн юм даа.
2019/12/14 103.26.193.170