-13o
Улаанбаатар хот
mobile menu

ХХБанк “Оросын Экспортын Зээл, Хөрөнгө Оруулалтын Даатгалын Агентлагтай “Хамтын ажиллагааны санамж бичиг”-т гарын үсэг зурлаа

2019-12-06 10:57:53

Монгол Улсын Ерөнхий сайд У.Хүрэлсүх тэргүүтэй төлөөлөгчид энэ оны 12-р сарын 3-наас 6-ны өдрүүдэд ОХУ-ын Засгийн газрын тэргүүн Д.А.Медведевийн урилгаар ОХУлсад албан ёсны айлчлал хийж байна.

Тус айлчлалын үеэр Худалдаа, хөгжлийн банк нь ОХУ-ын “Оросын Экспортын Зээл, Хөрөнгө Оруулалтын Даатгалын Агентлаг” (The Russian Agency for Export Credit and Investment Insurance)-тай “Хамтын ажиллагааг хэрэгжүүлэх харилцан ойлголцлын санамж бичиг”-т гарын үсэг зурлаа.

Энэхүү гэрээг үзэглэснээр ОХУ-ын томоохон банк, санхүүгийн байгууллагуудтай хийх хамтын ажиллагааны цар хүрээ өргөжиж, ОХУ-тай худалдаа эрхэлдэг Монголын аж ахуйн нэгжүүдийн хэрэгжүүлж буй томоохон төсөл, хөтөлбөр, худалдааг санхүүжүүлэхэд зохих хувь нэмрээ оруулна гэдэгт итгэлтэй байна.

Олон улсын нэр хүнд бүхий 200 гаруй банк санхүүгийн байгууллагуудтай нягт хамтран ажиллаж, найдвартай байдал, санхүүгийн чадамжаараа олон улсад үнэлэгддэг Худалдаа, хөгжлийн банк нь Монгол улсын гадаад худалдаа, хөрөнгө оруулалтыг дэмжих чиглэлээр санхүүгийн цогц үйлчилгээг хүргэж, зах зээлд тэргүүлэх байр суурьтай ажилладаг билээ.  

Таныг Дэлхийтэй холбох Санхүүгийн гүүр
Худалдаа хөгжлийн банк

 

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment