Гавьяат хуульч Б.Сарантуяаг "Салхитын мөнгөний орд"-той холбогдуулан хүүгийнх нь хамт шалгаж байна

Авлигатай тэмцэх газар /АТГ/-аас Дундговь аймгийн Гурвансайхан сумын нутагт байрлах Салхитын мөнгөний ордын хэрэгт нэр бүхий 17 шүүгчийн бүрэн эрхийг түдгэлзүүлэн шалгаж байгаа билээ. Тус хэрэгт нэр холбогдон шалгагдаж байсан гавьяат хуульч, шүүгч асан Л.Бямбаа өнгөрсөн хоёрдугаар сард Шүүхийн шийдвэр гүйцэтгэх ерөнхий газрын харьяа Цагдан хорих 461 дүгээр ангид  амь насаа алдсан. Тус хэргийн мөрдөн байцаалтын явцад дахин нэг гавьяат хуульч, шүүгч асан шалгагдаж эхэлсэн байна. Тодруулбал,  гавьяат хуульч, ШЕЗ-ийн зөвлөх Б.Сарантуяа болон түүний хүү нийслэлийн Иргэний хэргийн давж заалдах шатны шүүгч Г.Даваадорж нарыг холбогдуулан шалгаж байгаа аж.

Хуульч Б.Сарантуяа нь Шүүхийн ерөнхий зөвлөлийн гишүүнээр ажиллаж байгаад бүрэн эрх нь 2016 оны арванхоёрдугаар сарын 27-нд дуусгавар болж, тус зөвлөлийн Хэргийн хөдөлгөөний удирдлагын хэлтсийн ерөнхий зөвлөхөөр ажиллаж буй юм. Тэрбээр 2009 онд Монгол Улсын Гавьяат хуульч болсон бөгөөд 1976 оноос хойш хууль шүүхийн байгууллагад ажиллаж иржээ.
 

Намтрын тухайд:
 

► 1976 онд МУИС-ийг хуульч мэргэжлээр төгссөнөөс хойш

► 1976-1977 онд Төв айм­гийн шүүхэд арбитрын байцаагч,

► 1977-1978 онд Сүхбаатар районы ардын шүүхэд нарийн бичгийн дарга,

► 1978-1979 онд Сүхбаатар районы ардын шүүхэд шүүгч,

► 1979-1993 онд Октябрын районы ардын шүүхэд шүүгч,

► 1993-2000 онд Сонгино­хайрхан дүүргийн шүүхийн ерөнхий шүүгч,

► 2000-2003 онд Нийслэлийн шүүхэд шүүгч,

► 2003-2011 онд Нийс­лэлийн шүүхийн Эрүүгийн хэргийн танхимын тэргүүн шүүгч,

► 2011-2013 онд Нийс­лэлийн шүүхийн ерөнхий шүүгч, шүүгчээр тус тус ажил­лаж иржээ. Харин түүний хүү Гоошоохүүгийн Даваадорж нь МУИС-ийн Хууль зүйн сургуулийг төгссөн.

► 2000-2002 онд Сүхбаатар дүүргийн шүүхийн шүүх хурал­дааны нарийн бичгийн дарга,

► 2002-2004 онд Улсын Дээд шүүхийн шүүгчийн туслах,

► 2004-2013 онд Баянгол дүүргийн шүүхийн шүүгч,

► 2013-2015 онд Дүүргийн Иргэний хэргийн анхан шатны Нэгдүгээр шүүхийн шүүгч,

► 2015 онд Иргэний хэр­гийн давж заалдах шатны Аравдугаар шүүхийн шүүгч,

► 2015 оны зургадугаар сарын 30-ны өдрөөс Нийслэ­лийн Иргэний хэргийн давж заалдах шатны шүүхийн шүүгчээр ажиллаж байгаа юм.