0o
Улаанбаатар хот
mobile menu

Автомашины төмөр эд ангид дарагдаж 20 настай эрэгтэй амиа алджээ

2019-09-23 11:41:26

Дархан-Уул аймгийн Дархан сумын тавдугаар багт “Дархан-Ус суваг” ТӨХК-ийн харьяа цэвэрлэх байгууламжийн өргөтгөлийн барилгад шороо зөөж байсан өөрөө буулгагч “Хово” загварын автомашин онхолдсоны улмаас жолооч нь нас баржээ.

Ослын дуудлага өчигдөр /2019.09.22/ өдрийн 10:48 цагт аймгийн Онцгой байдлын газарт ирсэн байна. Дуудлагын дагуу онцгой байдлын 12 алба хаагч, гурван автомашин, Цагдаагийн газрын зургаан алба хаагч, нэг автомашин, Нэгдсэн эмнэлгийн хоёр эмч, нэг автомашинтай осол гарсан газарт ажиллаж, машины төмөр эд ангид дарагдаж амиа алдсан 20 настай эрэгтэй А-гийн цогцсыг 11:39 цагт гаргаж, цагдаагийн байгууллагад шилжүүлэн өгчээ.

Талийгаач А нь “Реминкон” ХХК-ийн гэрээт ажилтан байсан бөгөөд Өвөрхангай аймгийн Бат-Өлзий сумын харьяат байсан аж.

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд www.chuhal.mn хариуцлага хүлээхгүй.
Нийт сэтгэгдэл
  • Recent
  • Most Read
  • Most Comment