Сүүлийн жилүүдэд хүчирхийлэл, тэр дундаа охид, эмэгтэйчүүдийн эсрэг бэлгийн хүчирхийлэл нийгмийн хүндхэн асуудал болсоор байна. МЭХ-ны хувьд дээрх асуудалд анхаарал хандуулж, охид, эмэгтэйчүүдийг хамгаалах, тэднийг энэ төрлийн гэмт хэргийн хохирогч болохоос урьдчилан сэргийлэхийн тулд нийгэм рүү чиглэсэн олон үйл ажиллагаа зохион байгуулж, 2019 оныг “Хүчирхийллийн эсрэг хүн бүрийн оролцоо”-ны жил болгон зарлаж, өнгөрсөн 3-р сарын 7-нд үндэсний хэмжээний чуулган зохион байгуулсан.
МЭХ Монгол Улсын Засгийн газартай хамтран “ИЛҮҮ САЙХАН ИРЭЭДҮЙН ТӨЛӨӨ” олон улсын эмэгтэйчүүдийн чуулга уулзалтыг 9-р сарын 17-18нд Төрийн ордон зохион байгуулж, “Хамтдаа хамгаалъя” аяныг улс орон даяар эхлүүллээ.
