УИХ-ын дарга З.Энхболд оролцохгүй гэдгээ мэдэгджээ

УИХ-ын гишүүн О.Баасанхүү, Ерөнхий сайд Ч.Сайханбилэгийг энэ сарын 12-ны 19.00 цагт халз мэтгэлцээнд дуудсан ч ямар нэгэн хариу ирээгүй учир товыг 14 хоногоор хойшлуулж энэ сарын 23-нд хийхээр болсон талаар бид мэдээлсэн. Тэгвэл улс төрчдийн дунд болох дараагийн мэтгэлцээн нь УИХ-ын дарга З.Энхболд, Гадаад хэргийн сайд асан, Стэнфордын судлаач Г.Занданшатар нар. “Нэг Монгол” төрийн бус байгууллагаас зохион байгуулж буй уг мэтгэлцээний сэдэв нь “Ардчиллын хямрал ба Үндсэн хуулийн цэц”. Гэвч уг мэтгэлцээнд УИХ-ын дарга З.Энхболд оролцохгүй гэдгээ мэдэгдсэн байна. Харин түүний оронд өөрийнх нь зөвлөх Г.Байгальмаа мэтгэлцэхээр болжээ. Г.Байгальмаа энэ талаар өөрийн цахим хуудаснаа "УИХ-ын дарга З.Энхболдын зөвлөх Г.Байгальмаа миний бие Г.Занданшатартай мэтгэлцэхээр боллоо" гэсэн байна.  Хэвлэл мэдээллийн хэрэгсэл болон үзэгчдэд нээлттэй уг мэтгэлцээн энэ сарын 11-нд Мэдээлэл технологийн үндэсний паркын хурлын танхимд болох юм байна.